 |
||||
|---|---|---|---|---|
 |
 |
|||
|
|
25. júní 2009 Vegna gífurlegrar eftirspurnar hefur Breiðafjarðarnefnd nú látið endurprenta kynningarbæklingana Fuglalíf á Breiðafirði og Breiðafjörður - Náttúra og saga. Þeir sem hafa áhuga á að fá bæklingana senda, hvort sem er til dreifingar eða til einkanota, er bent á að hafa samband við ritara nefndarinnar breidafjordur@nsv.is eða fylla út form til þess hér á síðunni. Útfyllingarform fyrir Fuglalíf á Breiðafirði Útfillingarform fyrir Breiðafjörður - Náttúra og saga: 23. febrúar 2009 Starfsskýrsla Breiðafjarðarnefndar 2008 Breiðafjarðarnefnd hefur gefið út starfsskýrslu fyrir árið 2008. Skýrsluna er hægt að skoða hér.
8. desember 2008 5. desember sl. hélt Breiðafjarðarnefnd síðasta fund ársins 2008. Friðjóni Þórðarsyni, fyrrverandi formanni nefndarinnar (1996-2008), var sérstaklega boðið að koma á fundinn og voru honum þökkuð störf í þágu nefndarinnar. Öðrum fyrrverandi nefndarmönnum var einnig boðið á fundinn. Nefndarmönnum og gestum gafst tækifæri á að skoða sýninguna í Leifsbúð.
23. júlí 2008 Þann 17. júlí sl. var skipað í Breiðafjarðarnefnd til næstu fjögurra ára. Í nefndinni sitja: Formaður skipaður án tilnefningar
15. júlí 2008 Nýlega beitti Breiðafjarðarnefnd sér fyrir því að gerð var skýrsla um æskilegar áherslur í rannsóknum og vöktun á lífríki Breiðafjarðar, sbr. 7. gr. laga um vernd Breiðafjarðar. Skýrslan var afrakstur fundar 24 sérfræðinga um lífríki sjávar í Breiðafirði. Í skýrslunni kemur m.a. fram að þekkingu er víða mjög ábótavant. Til að mynda skortir mikið á kortlagningu og skráningu á grundvallar upplýsingum um náttúru svæðisins, auk þess sem innbyrðis tengsl lífvera og flæði kolefnis um vistkerfið er mjög lítið eða ekkert þekkt.
10. júlí 2008 Breiðafjarðarnefnd hélt í gær í vettvangsferð um Breiðafjörð, Hvallátur og Svefneyjar. Lagt var af stað frá Stykkishólmi og Stað og haldið í Flatey. Þaðan var siglt á tveimur bátum inn með þorpinu til Svefneyja, þar sem Gissur Tryggvason, Ragnheiður Axelsdóttir og Vera Antonsdóttir tóku á móti hópnum og sáu um kynningu á eyjunni, nytjum og örnefnum. Nefndarmenn skoðuðu húsakosti og þáðu veitingar. Ranakofinn vakti sérstaklega áhuga nefndarmanna og gesta, en hann nýtur friðunar skv. lögum um húsafriðun nr. 104/2001. Myndir úr ferðinni má skoða með því að smella hér.
8. apríl 2008 Starfsskýrsla Breiðafjarðarnefndar 2007 Breiðafjarðarnefnd hefur gefið út starfsskýrslu fyrir árið 2007. Skýrsluna er hægt að skoða hér.
11. september 2007 Rannsókna- og vöktunaráætlun fyrir Breiðafjörð Á morgun, 12. september, hefst á Hótel Stykkishólmi tveggja daga vinnufundur 26 sérfræðinga um lífríki Breiðafjarðar. Viðfangsefni fundarins er að fjalla um lykilþætti í lífríkinu og útbúa rannsókna- og vöktunaráætlun fyrir svæðið. Breiðafjarðarnefnd hafði frumkvæði að þessari vinnu með því að óska eftir því við náttúrustofurnar á Vesturlandi og Vestfjörðum og Náttúrufræðistofnun Íslands að þær gerðu slíka áætlun. Stofnanirnar lögðu til að haldinn yrði sérfræðingafundur og þangað boðið öllum helstu sérfræðingum landsins um lífríki svæðisins ásamt öðrum sem taldir væru geta lagt málinu lið. Fulltrúar ofangreindra stofnana, Háskólaseturs Snæfellsness og Sjávarrannsóknasetursins Varar mynduðu undirbúningshóp síðastliðið vor, sem unnið hefur að undirbúningi fundarins. Þar munu mæta fulltrúar flestra náttúrurannsóknastofnana landsins. Nú er allt klárt fyrir morgundaginn og er vonast eftir árangursríkum fundi næstu tvo dagana. Þess er vænst að gerð áætlunarinnar verði til þess að rannsóknir á lífríki svæðisins verði auknar, svo öðlast megi betri skilning á stöðu mála og þeim breytingum sem virðast vera hafnar.
16. júlí 2007 Komin er út skýrsla um Örnefni í sjó á Breiðafirði. Eins og fram kemur í formála skýrslunnar greinir hún frá niðurstöðum um skráningu og staðsetningu örnefna sem fór fram sumarið 2006.
13. apríl 2007 Nú hefur Breiðafjarðarnefnd látið endurprenta áður útgefna kynningarbæklinga um fuglalíf á Breiðafirði og náttúru og sögu Breiðafjarðar. Þeir aðilar sem hafa áhuga á að dreifa bæklingnum er bent á að hafa samband við ritara Breiðafjarðarnefndar í póstfangið breidafjordur@nsv.is eða hafa samband í síma 433-8121.
19. mars 2007 Breiðafjarðarnefnd hefur gefið út starfsskýrslu fyrir árið 2006. Skýrsluna er hægt að skoða hér.
20. febrúar 2006Komin er út starfsskýrsla Breiðafjarðarnefndar fyrir árið 2005. Skýrslan var afhent umhverfisráðherra í dag, en hana er einnig hægt að nálgast hér .
15. desember 2005Breiðafjarðarnefnd hefur látið vinna Stöðuskýrslu um náttúrufarsrannsóknir á Breiðafirði. Skýrslan er samin af Gunnari Þór Hallgrímssyni og Ævari Petersen skv. samningi við Náttúrufræðistofnun Íslands. Skýrsluna er hægt að sækja hér.
25. ágúst 2004Nú í sumar stóð Breiðafjarðarnefnd að útgáfu á kynningarbæklingi um Breiðafjörð sem ber heitið " Breiðafjörður - Náttúra og saga" . Bæklingurinn var sendur inn á hvert heimili sveitarfélaganna átta við Breiðafjörð og til helstu aðila í ferðaþjónustu á svæðinu. Hægt er að skoða bæklinginn og panta hér . Einnig er hægt að skoða kortið úr bæklingnum undir linknum " Verndarsvæðið " hér til hliðar.
12. júlí 2004Þann 6. júlí sl. skipaði umhverfisráðherra í nýja Breiðafjarðarnefnd, en skipað er í nefndina til fjögurra ára í senn. Nánari upplýsingar um það hverjir sitja í nefndinni næstu fjögur árin má finna hér.
17. febrúar 2004Þann 15. september 2003 var undirritaður samstarfssamningur milli Breiðafjarðarnefndar og Fornleifaverndar ríkisins varðandi skráningu heimilda um menningarminjar á jörðum á verndarsvæði Breiðafjarðar. Í kjölfarið var Benedikt Eyþórsson, nemi í sagnfræði við Háskóla Íslands, ráðinn til að safna saman heimildunum og hefur hann nú skilað Breiðafjarðarnefnd heimildaskrá, sem hann kallar “ B reiðafjarðarbyggðir – Útgefnar heimildir um jarðir, ábúendur, búnaðarhætti og fleira sem tengist sögu Breiðafjarðarsvæðisins”. Eins og Benedikt bendir sjálfur á í inngangi má halda endalaust áfram við heimildaleit og skráningu og er það því ósk nefndarinnar að þeir sem þekkja heimildir sem ekki eru í skránni láti ritara nefndarinnar vita af þeim svo stöðugt megi uppfæra skrána. Heimildaskrána er hægt að sækja hér.
|
|||
_________________________________________________________________________________________________________________________
|
||||
